（分享）平價防曬篇: Biore UV AQUA Rich

日日三十度 紫外線指數極高

都會自動自覺勤力地搽防曬

雖然我知道冬天個太陽都好毒

但係心理上對夏天的太陽有恐懼！

早前分享了六月泰國之旅：防曬準備篇
提過Biore UV AQUA Rich Watery essence Water Base SPF50+ PA+++
今日行過mannings

等到頸都長的75折！！！
$64支 同台灣買差不多
但係佢的功效係超值 ：）
所以我又囤2多支 （笑）
可以揮霍地使用了

最近介紹了很多productsssss
希望想白的白 想tan的tan
但最緊要係唔好曬傷！
Enjoy the Summer !

By Ellie

http://blahblahblahxthreeladies.blogspot.hk/2013/05/blog-post.html
六月泰國之旅：防曬準備篇（一）Ellie: OBRIS,LANCOM,BIORE,HAWAIIAN,DIOR

http://blahblahblahxthreeladies.blogspot.hk/2013/05/blog-post_26.html
六月泰國之旅：防曬準備篇（二）S: OLAY,BANANA BOAT

http://blahblahblahxthreeladies.blogspot.hk/2013/05/blog-post_6335.html
六月泰國之旅：防曬準備篇（三）J: SHISEIDO

六月泰國之旅：防曬準備篇 （三）

見到Ellie同Chun都有講到防曬準備。
好吧！我也跟大家分享一下我的防曬心得。

哈！其實不是什麼防曬心得LOL
因為我真的很懶.......
產品上說什麼，我有8成都會相信LOL
但是！我有極嚴重敏感（只限面部:<），
我用過很多牌子好多時都唔多得！！
究竟有幾嚴重？
請大家看看!!!!!!!!!!!!!!!

我是會嚴重成這樣的...........（真係嚇親人！）
我面上皮膚非常薄，所以比一般人較易失去水份，屬於極度缺水
很多時比BA姐說：嘩！你D皮真係好薄！！
（心諗：你估我想架咩..=.='' 我都唔想甘皮薄餡靚 /_______\”）
所以我不是每一種防曬都可以查上面。

而依我甘敏感的肌膚
我用SHISEIDO的防曬就冇事！:D

登登登登！
我是用PERFECT UV PROTECTOR SPF 50＋， PA＋＋＋
VERY WATER RESISTANT

根據官方網站，這支是防水效能卓越的防曬乳液。
提供可靠紫外線防禦，同時賦予護膚效果

以獨家SuperVeil 360技術研製，帶來理想覆蓋。

適合面部和身體使用，特別為陽光猛烈場合而設。

●獨家SuperVeil-UV 360技術為肌膚提供紫外線A、B保護，有助減少光老化現象。

●揉合防護成分Profense CEL複合物，能抑制導致皺紋和色斑的因素，如酵素活動、對細胞

和DNA的傷害*。

●蘊含證實具抗氧化功效的Thiotaurine及蒲桃葉精華。

查上去，質地是不錯的，偏水狀，而且較白色。

再推開的時候，很容易推！而且都係好水，好保濕！ 

推開後，好快被吸受！而且好似沒有查過一樣。嘻嘻

防曬功能嘛...
我覺得是不錯啦!!!但因為我上個暑假整天都躲在辦公室裡當暑假工
所以我真的沒有研究過我有沒有黑到
但照我看，沒有人說過我黑了＠＠
所以防曬效果還真的不錯!!!
還有就是，它可以用普通潔面就可以沖洗乾淨!!!
很方便，好岩我呢D懶人xvx

不過!!!
最近，SHISEIDO推出了新款式
說是連BB都可以查！專適合敏感肌!!!
甘岩支防曬差不多用完了，所以我買了！：D

這個適合日常使用的防曬乳霜
配方溫和，小童及敏感肌人士適用。

採用獨家SuperVeil-UV 360TM技術，全方位抵禦紫外線A、B的傷害，減少光老化傷害。

不含紫外線吸收劑、酒精、香料或防腐劑。

雖然SPF得30度，但已經是可保護範圍：D OK吧！

質地較CREAMY，似CREAM狀:)，偏白色TONE

一推開，其實皮膚會變得較白，所以要查埋頸！(^^)

再推開，其實比剛才介紹的厚少少，但唔係話厚好多，可以接受的範圍。
不過比較lup少少＠＠

如果一定要揀一款，我會揀番第一款。
因為夏天我不喜歡lup lup的感覺:P
而且價錢差不多（好似一樣＠＠）
但是有時敏感時都會拿拿地，
所以我有時咩都唔查就出街。
相反，第二款係我敏感時感覺都好舒服

所以嘛，最好2樣都放在家中看門口啦(^o^)/


By J

http://blahblahblahxthreeladies.blogspot.hk/2013/05/blog-post.html

六月泰國之旅：防曬準備篇（一）Ellie: OBRIS,LANCOM,BIORE,HAWAIIAN,DIOR

http://blahblahblahxthreeladies.blogspot.hk/2013/05/blog-post_26.html

六月泰國之旅：防曬準備篇（二）S: OLAY,BANANA BOAT

六月泰國之旅：防曬準備篇 （二）

夏天又黎啦！我都已經一早準備好出發去泰國！:D

由於本身就好易會曬黑，所以我同Ellie有啲唔同，
分別就係：我一啲都唔想變TAN啊！

其實對我嚟講，一年四季都會搽防曬（當然有時都會偷下懶嘅 嘿嘿）

不過隨著夏天嘅來臨，防曬已經係我個化裝包嘅必備產品！

雖然仲有2星期先出發，但係我已經check咗天氣，
日日都會係34度以上，有猛烈陽光

去到泰國，又唔少得要玩水行市集，一定會成日都暴曬喺陽光下，
所以...

FACE

我第一樣要帶嘅防曬產品就係 OLAY輕透隔離防曬乳液SPF30 PA+++！

OLAY呢個防曬我一路都有用緊，真係便宜又好用！
（我最鍾意用平嘢架啦 哈哈！）

佢係液狀架，所以好易推開，都唔似得膏狀咁厚身，而且不黏不笠！

推開之後幾秒就會吸收晒，摸下都覺得唔油同埋唔厚，亦都冇痕跡

即使用完再化妝到好OK！又唔洗怕用開嘅FOUNDATION唔夠力防曬啦！

就算我化埋妝，都無出粉刺同粒粒架！

仲有就係，PRODUCT INFO話佢做到10小時長效防曬，

最緊要唔好慳，搽得夠份量

咁我諗去到泰國應該都冇問題啦:D

BODY

另外，雖然我唔識游水，但係去到泰國又無理由唔去玩水架嘛！

啲泳池咁靚，去浸下水，曬下日光浴都好啦！所以...

我特登去咗買返支身體防曬！

登登登登！
BANANA BOAT ULTRA PROTECT SUNSCREEN LOTION SPF50 PA+++

佢屬於物理性防曬，可以將紫外線由皮膚表面反射，

而且穩定性高啲同埋低刺激性，
冇咁易被紫外線分解之餘都冇咁易敏感呀嘛！

咁佢都有啲缺點嘅，因為佢係膏狀嘅，會比較厚，
同埋會有少少泛白

所以我就無用嚟搽面，淨係用嚟搽身！

其實我係係龍城買呢支BANANA BOAT防曬嘅！
好似係$58！都平過出邊$20左右！

龍城有好多唔同牌子嘅防曬，我都揀咗好耐

最後我揀BANANA BOAT 除咗係因為防曬度數高之外，

仲因為係 "VERY WATER RESISTANCE"

姐係即使係水入面活動，產品標明嘅防曬度數都可以KEEP到80分鐘!!!

80分鐘喎！我上水再補一補，我諗實萬無一失啦:D

*佢仲話有VITAMIN C&E? 呢個... 我都唔知啦... 哈哈

希望我去完返嚟會話你知我無黑到啦！（合十）

BY S.

http://blahblahblahxthreeladies.blogspot.hk/2013/05/blog-post.html

六月泰國之旅：防曬準備篇（一）Ellie: OBRIS,LANCOM,BIORE,HAWAIIAN,DIOR

http://blahblahblahxthreeladies.blogspot.hk/2013/05/blog-post_6335.html

六月泰國之旅：防曬準備篇（三）J: SHISEIDO

六月泰國之旅：LASER HAIR REMOVAL

今天輪到小妹介紹。

去泰國離不開陽光與海灘！！

（實不相瞞，我第一次去泰國LOL,心情有D緊張＋興奮！）

提到陽光海灘，離不開曬太陽，曬太陽要著BIKINI!! *0*

........... OMG!姐妹們，係時候要清理一下你身上的毛髮:D

早前，係FACEBOOK見到D朋友LIKE左DERMES個PAGE，見到可以免費試做一次！

就是這個！

無論幾時，女生都要展現最靚的一面! dermes 承諾給妳永久「零毛髮」，每次能有效根除約20％毛髮，全身肌膚無晒「黑色點點」。體驗激光永久腋下脫毛療程乙次，讓妳無拘無束迎接盛夏，重拾女生獨特的細緻美!

加上最FD果幾個成日引誘我去做彩光
(p.s 彩光同激光是兩回事，有機會再跟大家分享彩光的好壞處：）），
所以我忍唔住去登記左!!!

登記時，我選擇左試做UNDERARM的位置:)
因為我其實有用脫毛機的習慣，但係我覺得我腋下有出粒粒的情怳!!!
雖然唔係好嚴重，但我覺得好核突！！.v.''
過幾日就會收到專人通知你，服務態度好好！

好到我覺得有D假LOL.
好啦，之後我13號那天去了CWB的分店。
一入到去，已覺得成間DERMES都好PROFESSIONAL
茶水姐姐都好好服務，即時問你想唔想飲野。
等候CONSULTATION的時間也不久

CONSULTATION

個THERAPIST好清楚甘解釋腋下位置，什至小腿位置會因經常剃毛會出現後遺症！
腋下會出現毛髮倒生，出現有我ge問題就係起粒粒:(,
膚色會變得較深，什至一個毛囊生幾條出來。

腳會變得起紅色一點點

個THERAPIST更提到千萬不要用脫毛膏！因為全是化學成份！！好傷你的皮！
她還給我看一些圖片，嚇到我而家已經冇用:(
我以前成日用架...
仲有，千萬不要用止汗劑！！
因為你查／噴上去的一層是不能用一般沖涼液徹底清洗!
那只會一層一層厚上去，會塞住D毛孔汗線！
（丫..真係嚇死人X_____X)

以後要剃毛，就只好用剃刀好了！！！

正式試做。

入到間全白色的房間。
個THERAPIST會首先同你睇下你腋下位置GE問題
之後會幫你用剃刀清理一下
再同你講解一下一陣LASER的程序
因為一陣會戴眼鏡，咩都睇唔到，驚我驚。
佢個LASER機是用755nm波場
做的時候，有少少痛啦！但可以接受！
佢仲話第一次是比較有感覺的。

做完出番黎，比佢SELL左好耐！！！：＜
學生價＄7000，四次＋一年保養。
但SORRY，我冇錢=.=''

試後感。

過左一個多星期後，腋下毛髮開始長出
但是真的少了很多！！！！
而且冇以前甘長！！
（我不好意思影相比大家看LOL!)
而且我偷偷有用眉夾拔過
唔知點解好易拔，好似已經脫落似的，唔痛@@
所以如果大家有能力負擔，不防一試！
最喜歡的是，第一次做LASER的那個THERAPIST，到你最後一次做都是同一個人！！
那麼可以不用那麼尷尬。：D

DERMES FACEBOOK PAGE:
https://www.facebook.com/dermes.hair.removal.specialist?fref=ts

DERMES WEBSITE:
http://www.dermes.com.hk/

website有VIDEO詳細說明LASER過程。

By J

六月泰國之旅：防曬準備篇 （一）

之前去旅行都會選擇空喼去，覺得咩都可以當地買，

又唔使拎來拎去，方便自己便人！

但今次去泰國就唔太敢，因為言語不通的大問題，

怕會呼天不應，所以都係乖乖開始準備

泰國個太陽令好多朋友去完都變燒豬，所以第一時候要準備防曬！

一來唔想曬傷辛苦自己，另外又可以出清sunscreen ：P

FACE

平日我會用SPF30的防曬，

因為有時可能會搽下Base or BB Cream，一般都夠用，

最近都用ORBIS打底，為炎炎夏日做好準備

質感好light（lotion texture），拍兩三下就吸哂

防曬效果亦好好，而且價錢相宜！！！（但BA姐姐就…）

如果要去沙灘游水曬的日子，

我會用Lancome 全面用連頸同膊頭打底，（每兩個鐘頭用Biore補一次）

質感較厚（cream texture）要慢慢推開印

唔會曬黑亦無紅卜卜，當然價錢唔平，special occasion先會大量使用

我相信今個trip應該會大派用場：D 妙麗都用佢 （笑）

BODY

早前去台灣旅行買了幾支Biore （～TWD250），

但mannings出位價都要$80－90支 :(

質感比ORBIS厚少少，但都係lotion texture，身面都用得到，所以係超值！

不過係未有人去tw前要慳住用......

另外行街見到黑鬼油特價，

心血來潮買支去泰國用，希望可以變TAN少少

如果唔岩用都可以俾男朋友，起碼唔會被囤積 hehehehehe

TESTING

朋友推介DIORSNOW UV SHIELD ，

Product試上手無問題，但一上面就敏感 !!!

睇beautypedia 又無相關有問題的ingred

只好留俾番朋友用！

防曬四寶！

輕輕吱一下的分量：

LANCOME(1) ＆Biore(3) 都偏黃少少

OBRIS (2) 係流質 （一路影一路流）

DIOR(5) 係牙膏狀哈哈

輕印三下後：

黑鬼油(5)的質感令人愛不釋手，但搽面應該會起粒粒 LANCOME(1),OBRIS(2),Biore(3)，身面都用得

不過係價錢選擇上，我會用Biore搽身

DIOR (5) pearly white的效果好出，但…我敏感啊！！！

但當我KO哂屋企的存貸後，Biore會係我不二之選：）

Mannings你幾時會特價？

By Ellie

http://blahblahblahxthreeladies.blogspot.hk/2013/05/blog-post_26.html
六月泰國之旅：防曬準備篇（二）S: OLAY,BANANA BOAT

http://blahblahblahxthreeladies.blogspot.hk/2013/05/blog-post_6335.html
六月泰國之旅：防曬準備篇（三）J: SHISEIDO